Пандемијата на коронавирус предизвика зголемен интерес на богатите да избегаат и да се изолираат на островите, така што има зголемена побарувачка за нивно купување. Маи, остров на Фиџи, со своите беспрекорни плажи, корални гребени и 32 хектари бујни тропски градини, е идеално место за да се избегне од реалноста и пандемијата.
Чини околу четири милиони долари и е еден од многуте острови што се продаваат.
Јужен Пацифик, Карибите и оддалечените делови на Соединетите држави и Европа се меѓу најпопуларните дестинации, велат агентите за недвижнини, кои го следат зголемувањето на побарувачката за приватни скривалишта, дури и кога глобалната економија влегува во длабока рецесија, пренесува SEEbiz.
Сепак, не само тропските острови со убави плажи се привлечни за богатите. Неодамна приватен остров во Ирска, Horse Island со три плажи и седум куќи се продаде за 6,3 милиони долари. Островот има три плажи, приватно пристаниште, хелиодром, тениски терен, теретана, една главна куќа со површина од 4.500 метри квадратни и неколку викендички кои гледаат на Атлантски океан.
“Очигледно, желбата на луѓето – особено оние кои можат да си го дозволат овој мултимилионски имот – е едноставно да се повлечат од оваа лудница“, рече Калум Беин, геодет и агент за недвижнини кој помогна во продажба на островот. Тој рече дека не ги знае плановите на купувачот, но истакнал дека островот претходно бил познат по земјоделство – што значи дека новиот сопственик ќе може да одгледува доволно храна ако сака.
Некои земји ги затворија своите граници за нерезиденти, па физички посети во некои случаи се невозможни поради потенцијални набавки на островот. Новиот сопственик на Horse Island го купи островот по видео снимка.
“Неодамна продадовме неколку поевтини острови во Скандинавија и Канада на купувачи кои гледаа само фотографии од имотот“, рече Фархад Влади, германски претприемач кој за FТ изјави дека во својата 50-годишна кариера продал повеќе од 3.000 острови.
Но, поскапите острови, вели тој, повеќето сакаат да ги посетат пред да купат.
Тој нагласи дека да имате свој остров не е толку нереално како што мислите. “Не мора да бидете милијардер за да купите остров. Ако можете да си дозволите подобар автомобил, можете да купите и остров“, рече тој.
На пример, еден мал остров крај брегот на Финска неодамна беше продаден за помалку од 100.000 евра. На другиот крај на скалата е грчки остров со површина од 1.100 хектари во Јонското Море, кој чини 45 милиони евра.
Фото: Pixabay
