Во текот на минатата година се произведени 3,7 милиони тони чоколадо во рамки на земјите членки на Европската Унија (ЕУ), покажуваат податоците од европската статистика.
Германија, Италија и Франција беа најголеми производители, покривајќи скоро две третини или 64% од вкупното производство на чоколадо во 2019 година. По нив следат: Холандија (9%), Белгија и Полска (по 7%).
Според податоците, најголемите производители на чоколадо на глобално ниво се: САД; Германија, Швајцарија и Белгија. Се проценува дека сите земји од западна Европа учествуваат со околу 35% од вкупното производство на чоколадо, додека уделот на САД е 30%.
Ниту една од земјите што се големи производители на чоколадо не се и производители на какао (основна состојка за производство на чоколадо). Две третини од какаото што се користи за производство на чоколадо доаѓа од земји од западна Африка.
Фото: Freepik
