Скопје Сити Тауер денес за прв пат ги отвори вратите за медиумите. Беше презентиран современиот, европски тип на резиденцијални објекти, каде што станбените единици почнуваат веднаш над катовите наменети за деловни простории.
Оваа многукатница е објект што ја менува силуетата на градот Скопје и е градена е според највисоки стандарди.
Во Скопје сити тауер се нудат неколку типови на станови: стан-студио, станови со една спална соба, со две спални соби и станови со три спални соби. На последното ниво пак се сместени луксузните penthouse апартмани, што се карактеризираат со поголеми квадратури и поголема катна висина.
“Зградата ќе биде вселива во март 2014 година, а повеќе од две третини од становите веќе ги чекаат своите сопственици. Објектот нуди вкупно 140 станови, со 12 станбени единици на еден кат, а квадратурата на становите се движи од 47 до 148 метри квадратни. ССТ нуди помош од своите архитекти само за оние купувачи кои ќе се одлучат станот да го опремат преку партнерите на ССТ. Зградата располага со 4 современи Тисен Круп лифтови кои нудат удобност, безбедност, прецизност, економичност и брзина, а се дизајнирани за најсовремените објекти во светот. Објектот е под континуираниот надзор, поткрепен со домар и обезбедување и е опремен со видео-домофонијата. Ова се гарантите за целосна сигурност на домот, на животот на едно семејство, но и за деловното работење“, изјави Катина Сутоглу, архитектот од ССТ.
Крсте Петров, еден од проектантите на ССТ истакна дека овој објект е граден со посебна љубов и бил голем предизвик за тимот на проектанти.
“Гледавме да ги запазиме сите актуелни светски стандарди во квалитет на градбата, естетиката беше посебен предизвик, а распоредот и конфорноста на становите си дојдоа сами по себе. Во објектот се вградени првокласни енергетско ефикасни материјали, а фасадата е целосно термоизолирана. Ѕидовите се од елементи кои ги задоволуваат условите за нискоенергетско домување со одлична топлинска и звучна изолација. Преградните ѕидови во становите се систем на ѕидови исполнет со термичка и звучна изолација. Како висококатница, запазени се посебни нормативи и прописи за градење, во однос на конструктивна и сеизмичка стабилност, како и за противпожарна заштита“, рече Петров.
