Фото: Pixabay
Во трката по голем успех, не можат сите да се пофалат со добри резултати. Најчесто се прашуваме, зошто не заработуваме повеќе пари? Доколку ги анализираме успешните луѓе, можеме да согледаме одредени точки на преклопување во нивното работење. Ако вашите аспирации се големи и сакате повеќе да заработувате и да бидете поуспешни, тогаш погледете кои се најчестите грешки кои се прават.
1. Лош менаџмент
Најголемата разлика меѓу добрите и лошите менаџери се наоѓа во емпатичноста на личноста. Добрите менаџери знаат како да мотивираат и менаџираат илјадници вработени и да ги насочат во правец на којшто тие одлучиле. Тие имаат добро развиена стратегија и организирана работа, која им дава ефективни резултати. Вработените ги сакаат и даваат се од себе, бидејќи тие ги инспирираат. Работата може да биде тешка, но нивниот фер и коректен однос им влева мотив за работа.
Лошите менаџери не поседуваат трпение и не сочувствуваат со вработените. Единствено сакаат тие да работат, без разлика со какви проблеми се соочуваат. Меѓутоа тоа не е лидерство, ниту пак добар менаџмент и се одразува на резултатите од работењето.
2. Недоволна алчност
Помали аспирации придонесуваат до помало богатство. Доколку се чувствувате удобно во позицијата во која се наоѓате и не посакувате повеќе, тоа нема ни да се случи. Мора да бидете агресивни доколку сакате да ја склучите следната деловна зделка. Исто така треба да се борите со конкуренцијата и да воведете нови стратегии за развој на пазарот.
Преземање на ризик е клучен дел од развојот на секој бизнис. Големите менаџери се жртвуваат и преземаат големи ризици. Многумина од нив избрале да бидат алчни, наместо други работи во животот. И некои успеале да го добијат тоа што го сакаат.
Дали сте подготвени да бидете алчни доволно за да го добиете тоа што го сакате? И дали ќе се жртвувате?
3. Доволно сум добар
Најдоброто од нас, понекогаш не е доволно. Затоа секогаш треба да се трудиме да се подобриме. Треба да инвестираме во тренизи, да имплементираме нови програми и стратегии за развој. Секогаш треба да имаме простор за развој. Меѓутоа, ако нашиот став е дека сме доволно добри, тогаш нема да се развиеме ниту себеси како личност, ниту пак бизнисот.
