Damac Properties, агенциија за недвижности во Дубаи, подарува Lamborghini Huracan на оние што ќе купат луксузна вила од Damac и Fendi Casa, пишува Carscoops.
Станува збор за вили што се наоѓаат на познатото луксузно пристаниште – Dubai Marina. Автомобилот што чини околу 200.000 долари ќе го добие оној што ќе се одлучи за некоја од најекслузивните вили чија цена започнува од 188.400 долари, па нагоре.
Ограничената понуда, којашто трае до крајот на месецов, вклучува и луксузни апартмани во највисоката зграда во светот Бурџ Калифа и вили во комплексот Палм Џумераја. Агенцијата за недвижности Damac ќе им додели автомобили и на оние кои ќе се одлучат за малку поевтина варијанта. Во зависност од цената на купената вила, сопствениците ќе добијат BMW 730i или BMW X6.
Ова не е прв пат агенцијата да понуди вакво нешто. Пред две години тие подаруваа Lamborghini Aventador Roadster на некои клиенти што купуваа скапи куќи во градот, а на останатите им доделуваа BMW или MINI Cooper.
