Дилерите на автомобили на Volkswagen, Audi, Skoda, Bentley, Lamborghini или Ducati се достапни за руските клиенти, објави денеска автомобилската групација AGR.
– Задоволство ни е да објавиме дека Volkswagen Group Rus LLC продолжува со своите активности под новото име AGR Automotiv Group. Застапниците на Volkswagen, Audi, Skoda, Bentley, Lamborghini и Ducati ќе продолжат да работат за вас, според AVG на нејзиниот канал Telegram.
Како што пренесува РИА Новости, слични пораки биле објавени и на социјалните мрежи на споменатите брендови.
Медиумите во Русија неодамна објавија дека продажбата на автомобили во земјата се вратила на нивото пред февруари 2022 година, а руските потрошувачи оттогаш се префрлиле на други марки.
Рускиот производител на автомобили „Автоваз“ на почетокот на август објави дека во првите седум месеци двојно ја зголемил продажбата на автомобили во споредба со истиот период лани.
