Германската влада одобри инвестиции во зелена енергија во вредност од 57,6 милијарди евра за 2024 година, што е зголемување од 60 отсто во однос на целните трошоци за оваа година.
Со одлука на официјален Берлин, инвестициите во таканаречениот Фонд за клима и трансформација, за периодот од 2024 до 2027 година, се зголемени на 212 милијарди евра, што е зголемување за околу 30 милијарди евра, пишува OilPrice.com, како објави SEEbiz.
Специјалниот фонд, кој вообичаено не е дел од редовниот германски буџет, беше формиран за да помогне во процесот на енергетска транзиција и зелени инвестиции во Германија.
Фондот ќе ја финансира декарбонизацијата на индустријата, спроведувањето на стратегијата за нулта емисија, финансирањето на ефикасноста на зградите и енергетската ефикасност.
Претходно оваа година се појавија извештаи дека Фондот за клима и трансформација, познат како KTF во Германија, има недостиг од околу 12 милијарди евра до 2026 година.
Сепак, дефицитот сугерира дека побрзата транзиција од фосилните горива ќе чини многу повеќе отколку што предвидуваше Берлин во летото 2022 година, кога беше создаден фондот.
Германската влада, исто така, во април гласаше за забрана на повеќето котли за греење со нафта и гас во новите и постарите згради од 2024 година, како дел од планот за намалување на емисиите.
Исто така, во Германија, регулативите бараат скоро сите нови системи за греење да работат на 65 отсто обновлива енергија, со исклучок за сопствениците на куќи постари од 80 години и за домаќинствата со најниски приходи.
Сепак, индустриските здруженија и германската јавност не се согласуваат со оваа одредба.
Една од јавните анкети спроведени во април покажа дека 78 отсто од Германците не го одобруваат овој закон, а само 18 отсто сметаат дека одлуката за забрана за греење на нафта и гас е точна.
Дополнително, германската владејачка коалиција останува поделена околу тоа колку домашната цена на јагленот треба да порасне поради инфлацијата што може дополнително да биде поттикната од повисоките цени на енергијата.
