Најголемиот индустриски синдикат во Германија, IG Metal, се бори за поголемо влијание во компанијата „Тесла“, која отвора нова гигафабрика во близина на Берлин.
Вработените во фабриката на Тесла во Гринхајд гласаат за нов работен совет по жестоката кампања обележана со критики и правни проблеми, објави Ројтерс.
Гласањето започна во понеделник во споменатиот единствен европски производствен погон на американскиот производител на електрични автомобили, а резултатите се очекуваат во текот на денот.