Цените на нафтата се искачија на нови највисоки нивоа на меѓународните пазари во средата, бидејќи намалувањето на понудата поради намалувањето на производството во Саудиска Арабија и Русија ја намали загриженоста за побарувачката во Кина и во САД.
Цената на барелот на лондонскиот пазар утрово изнесува 87,78 долари, а на американскиот пазар барелот се продава по цена од 84,62 долари за барел, додека претходно достигна највисоко ниво од ноември 2022 година.
Саудиска Арабија во вторникот соопшти дека ја потврдува својата поддршка за мерките на претпазливост на Организацијата на земјите извознички на нафта (ОПЕК) и нејзините сојузници, познати како ОПЕК +, за стабилизирање на пазарот, објавија државните медиуми.
Цените на нафтата се зголемија шеста недела по ред минатата недела и беа на највисоко ниво од средината на април во понеделникот, потпомогнати од намалувањето на понудата на ОПЕК + и надежите дека стимулацијата ќе предизвика закрепнување на побарувачката на нафта во Кина.
– Нема сомнеж дека има голем моментум. Се чини дека има јасен нагорен тренд – изјави Наем Аслам од Avatrade.
Извесен притисок дојде од податоците на Американскиот институт за нафта објавени во вторникот, кои покажаа дека залихите на сурова нафта во САД се зголемија за 4,1 милиони барели минатата недела, дури и кога залихите на бензин и деривати паднаа.
Во вторникот, цените на нафтата беа под притисок на кинеските податоци дека јулскиот увоз на сурова нафта падна за 18,8 отсто на месечна основа, на најниската дневна стапка од јануари, иако тие се зголемија за 17 отсто на годишно ниво.
