Остар пад на продажбата на автомобили во ЕУ

16

Продажбата на нови автомобили во Европската унија повторно падна во октомври, откако првпат оствари раст во септември оваа година, покажуваат податоците на Европското здружение на производители на автомобили.

На падот влијаеше продолжувањето на мерките за спречување на пандемијата Ковид-19, кои земјите ги воведоа во октомври.

Продажбата на нови автомобили во унијата е намалена за 7,8% на годишно ниво.

Словенија забележа еден од најголемите падови на продажбата во Европската унија. Според податоците на здружението, во Словенија се продадени 4.549 автомобили, што е за 24% помалку во однос на истиот период лани. За десет месеци продажбата паднала за 24,6%.

Во октомври само Ирска (+5,4%) и Романија (+17,6%) забележале раст на продажбата на нови автомобили во ЕУ.

Фото: Pixabay