Актерот Расел Кроу донира средства за обнова на познат ресторан во либанската престолнина, што неодамна ја потресе силна експлозија.
Станува збор за ресторанот Le Chef, којшто по разорната експлозија, е претворен во рушевина, пренесува ВВС.
Најпрво организаторот на кампањата за собирање на средства преку GoFundMe, a потоа и самиот актер потврди дека донира пари во чест на починатиот познат готвач Ентони Бордејн, кој Le Chef го претстави во еден од своите документарни емисии.
“Мислам дека и тој најверојатно ќе го направеше истото да беше меѓу нас“, напиша Кроу на Twitter.
Инаку, ресторанот е сместен во близина на местото каде што избувна експлозијата на четврти август, во којашто загинаа над 200, а ранети се илјадници луѓе.
Фото: Facebook
