Tesla од денеска ќе започне со испорака на електрични автомобили во Кина за Европа, јавуваат кинеските медиуми. Околу 7.000 автомобили од типот Model 3 направени во гигафабриката во Шангај треба да пристигнат во Белгија на крајот од следниот месец, со планирани испораки во земји, вклучувајќи ги Германија, Франција, Италија, Холандија, Португалија, Швајцарија и Шведска, пренесува CNBC.
Фабриката во Шангај, што е прва фабрика на Tesla надвор од САД, оваа година би требало да произведе околу 150.000 возила.
Само во септември, Tesla во Кина продаде повеќе од 11.000 Model 3 автомобили.
Извршниот директор на Теsla, Елон Маск, соопшти дека во третиот квартал се произведени 143.036 возила. Исто така е јасно дека капацитетот на фабриката во Шангај достигна 250 000 возила годишно.
Фото: Pixabay
