Народната банка на Република Македонија ја издаде и пушти во оптек кованата пара за колекционерски цели света Матрона Московска.
На аверсот на оваа кована пара, во горниот дел од монетата се прикажани грбот на Република Македонија, натписот 100 денари на македонски јазик, како и годината на издавање 2017, ознаката Ag 925 и тежината на монетата 31,1 g. Во централниот дел од аверсот е прикажан дел од Покровскиот манастир во Москва, каде што се наоѓаат моштите на света Матрона Московска. Во заднината е прикажана контура на Манастирот. На долниот дел е испишан називот Република Македонија на македонски јазик.ж
На реверсот, во централниот дел од монетата е прикажана слика на Матрона Московска, врз основа на делото од Покровскиот манастир во Москва. Околу централната слика се прикажани златни украси. На долниот дел од монетата е испишано: света блажена Матрона Московска на руски јазик.
Оваа кована пара е изработена од сребро Аg925, со тежина на среброто од 31,1 г, чистота на среброто од 28,77 г и во форма на правоаголник со димензии 30 х 45 мм.
Цената на кованата пара света Матрона Московска изнесува 3.800 денари.
Кованите пари за колекционерски цели издадени од Народната банка се законско средство за плаќање во Република Македонија.
