Поминаа неколку години откако дилерите на дијаманти, скапоцени камења и воопшто накит од највисоката класа се пожалија дека поновите генерации немаат навика да трошат пари на ваков вид луксуз. Тоа беше точно за милениумците, но сега генерацијата Z отиде чекор подалеку и на луксузот гледа сосема поинаку.До неодамна тоа не беше ни најмалку важно, но сега стана бидејќи најстарите членови на оваа генерација имаат 26 години, што значи дека веќе заработуваат доволно пари за да можат да поставуваат трендови. Или престанaт со постоечките. А, на ред дојде луксузот.
Веќе до 2025 година, милениумците и генерацијата Z ќе претставуваат 70 проценти од трошоците за луксузни брендови, според Bain & Company во своето истражување. Токму затоа лидерите на ваквите брендови мора да го променат начинот на кој водат бизнис и да им пристапат на младите, доколку сакаат да преживеат.
Генерацијата Z повеќе не гледа на луксузот како во изминатите децении или векови – дека тоа е статус, наследство, престиж и традиција. За нив луксузот е инклузивност, одржливост, транспарентност, технолошки напредок и иновации на циркуларната економија.
Затоа, брендот што им претставуваше нешто посебно на нивните родители, дедовци и баби не претставува апсолутно ништо за помладите луѓе – ако не им донесе она што ги движи. Одржливоста сега е најголемата мотивација при купувањето, но и транспарентноста.
На помладите не им поминуваат дијамантите и скапоцените камења, бидејќи се свесни дека треба да поминат сите работници за да добијат таков луксуз богатите. Истото важи и за сите други производи. Модерното време ја донесе оваа позитивна работа: кога трошат пари, се наградуваат оние кои не им наштетуваат на луѓето, животните или животната средина за да пласираат производ или услуга. Тоа е напредок достоен за почит.
