Кога некој верува во своите можности, ги знае своите силни, но и слаби страни е самоуверен. Има свое достоинство, го почитува своето, но и времето на луѓето со кои соработува, со кои работи или се дел од неговиот тим. Гордо им гледа на сите предизвици во очи без да се плаши. Па, се поставува прашањето, како може да препознаете како се однесуваат самоуверените луѓе.
Не се срамат да кажат дека не знаат
Самоуверените луѓе ги знаат своите можности, но секогаш сакаат да го развиваат потенцијалот. Со други зборови, ниту се срамат, ниту се плашат да кажат дека нешто не знаат. Напротив, секогаш се подготвени да научат нешто ново, да откријат непознати работи што би им послужиле во текот на кариерата
Не лажат и не ласкаат
Иако во човековата природа е да сакаат да го чујат само она што им одговара. Сепак, самоуверените луѓе никогаш не го засноваат својот однос и не ја градат комуникацијата со останатите со лаги или ласкања. Секогаш се искрени, својот став и интегритет им се потпира на факти, па затоа другата страна не може да им се налути.
Го почитуваат туѓото мислење
Овој вид на личности не се снобови, туку секогаш повеќе слушаат одошто зборуваат. Почитуваат што им кажуваат другите, ги прифаќаат добронамерните совети и знаат да го земат предвид. Бидејќи се добри слушатели, покажуваат емпатија и се подготвени да ги сослушаат не само идеите, туку и проблемите на своите колеги или соработници.
Кога зборуваат оставаат впечаток дека треба да им се верува
Самоуверените луѓе точно знаат што зборуваат, имаат став што влева доверба и умеат добро да се изразуваат. И говорот на телото и мислите им се во ускладен став, што кај останатите остава впечаток на сигурно и вистинито говорење.
Се радуваат на туѓиот успех, го споделуваат неуспехот
Не се алчни, туку искрени и немаат никаков проблем да се израдуваат на успехот на колегите. Тие знаат како да им дадат до знаење на своите колеги дека одлично ја завршиле работата. Во исто време, знаат и како да ги најдат вистинските зборови за утеха кога ќе се случи некаков неуспех. Тоа не ја покажува само нивната самоувереност, туку и нивната големина како луѓе.
Фото: Pixabay
