Растот на цените на горивата го загрозува бавното закрепнување на авиоиндустријата

26

Остриот пораст на цените на горивата го загрозува бавното закрепнување на глобалната воздухопловна индустрија од кризата предизвикана од коронавирусот. Цените на нафтата се искачија на највисоко ниво во последните седум години минатата недела, предизвикувајќи нова загриженост за трошоците за превоз, бидејќи нерамномерната побарувачка од патниците останува присутна по 18 -месечните ограничувања за патување.

Цените на горивата за авиони се удвоија до близу 750 американски долари за метрички тон минатата година, според Меѓународната асоцијација за воздушен транспорт.

Минатата недела, Делта ерлајнс конкретно ги издвои трошоците за гориво, бидејќи прогнозираше дека ќе се врати на загубите во последните три месеци од годината, по само два профитабилни квартали од почетокот на кризата.

„Цените на горивата продолжуваат да растат, што ќе изврши притисок врз нашата способност да останеме профитабилни“, рече извршниот директор на авиокомпанијата, Ед Бастијан, осврнувајќи се на резултатите, пренесе Фајненшл тајмс.

Обично порано во такви ситуации, авиокомпаниите ќе се обидат да префрлат дел од зголемените трошоци на крајните корисници со зголемување на цените на билетите, но целата индустрија продолжува да работи во крајно неизвесна средина, со број на патници далеку под нормалните, а некои превозници се обидуваат да го стимулираат пазарот со ниски цени.

За да бидат работите уште полоши, многу авиокомпании се откажаа од заштита на нивните идни потреби за гориво кога минатата година помина хаосот на пазарот на нафта, што ги остави повеќе од вообичаено изложени на последователното нагло зголемување на цените на суровата нафта.

Рајанер загуби 300 милиони евра во финансиската 2020 година по падот на цената на нафтата. „Повеќето авиокомпании претрпеа огромни загуби минатата година затоа што побарувачката опадна поради пандемијата, така што им беа оставени договори за испорака на гориво по значително повисоки цени и тие не сакаа да продолжат со тоа“, рече Марк Симпсон, авијациски аналитичар во Goodbody.

Една од ретките авиокомпании која користеше хеџинг стратегија кога станува збор за цените на горивата во последните 12 месеци, и продолжи да купува, е EasyJet. Благодарение на таа одлука, таа забележа цена од 500 долари за метрички тон за 55% од очекуваните потреби до 2022 година. „Сега сме на добро место ако нe споредите со другите“, рече минатата недела извршниот директор на EasyJet, Јохан Лундгрен.

Сепак, шеф на европска авиокомпанија, кој не сакаше да биде именуван, рече дека останува на одлуката да се откаже од хеџинг, нагласувајќи дека за секој скок на цената на нафтата, подоцна доаѓа пад, кој повторно ги вади парите од нивните џебови.

Податоците од аналитичарите на HSBC покажуваат дека авиокомпаниите успеале да апсорбираат големи промени во цените на нафтата од деценија во деценија, но дека тоа довело до нивни флуктуирачки оперативни маржи, кои секогаш резултирале со промени во пазарните позиции.