Робот-готвач имитира човечко џвакање и вкусување храна (ВИДЕО)

9

Роботите кои можат да ги заменат готвачите во некои фази од процесот на подготовка на храната се релативна новина на пазарот. Тоа се првенствено роботи кои работат по даден рецепт и со програмирани количини храна и зачини. Експертите од Кембриџ сега, во соработка со производителот на апарати за домаќинство „Беко“, надградија еден роботизиран готвач на таков начин што тој може, покрај подготовката, да јаде и да вкуси и да се усоврши по потреба.

Роботската рака, инаку наменета за додавање храна и мешање јадења, во овој случај е претворена во „роботски јазик“. Машината, која досега беше обучена да прави омлет, сега може да го вкуси и да утврди дали приготвениот оброк е доволно солен – во неколку фази кои имитираат човечко џвакање. Имено, вкусот на храната се менува додека џвакаме, па комплетна перцепција на вкусот може да се добие само ако го симулираме овој процес, а токму тоа го прави овој робот.

Неговата роботска рака ќе ја мери количината на сол во садот, а потоа треба да ја „џвака“ и да измери колку е солена. Врз основа на добиените резултати тие ќе дадат своја проценка, односно ќе го споредат добиеното јадење со идеалниот вкус што го одредуваат професионални човечки дегустатори. Експертите кои стојат зад оваа иновација веруваат дека таа ќе ги подобри процесите на роботско готвење за храната да биде навистина каква што треба, односно да може полесно да се прилагоди на различни вкусови.

Од технолошка гледна точка, ова не е преголем предизвик. На роботската рака е поставен сензор кој ја мери соленоста на храната и е програмиран да ја испитува порцијата на неколку места. Потоа садот се промешува (засега луѓето тоа го прават во лабораторија, а подоцна „џвакањето“ ќе се автоматизира), па повторно се подложува на дегустација.

Читањето трае само неколку секунди, а неговиот резултат може да се искористи за промена на почетниот рецепт и подобрување на вештините за роботско готвење. Во иднина, според „Беко“ и Кембриџ, ваквите роботи би требало да ги добијат и функциите на откривање слатка или мрсна храна, односно да го прошират опсегот на вкусови што ги препознаваат.