Зошто транзицијата кон зелена економија станува сè поскапа?

66

Цената на глобалната транзиција кон зелена енергија би можела значително да порасне поради сериозниот пораст на цената на полисилициумот. Неговите цени најверојатно ќе растат поради затворањето на фабриките во Кина, пренесува Oil Price.

Полисилициумот игра важна улога во транзицијата кон позелена економија. Тоа е ултра-рафинирана форма на силициум што се користи во соларни панели. Материјалот има својства слични на полупроводници.

„Спот“ цени на полисилициумот го достигнаа дното на 6,30 долари за килограм во средината на 2020 година, но се зголемија за 600 отсто на 36,09 долари минатата недела, според Блумберг.

Водечкиот светски производител на полисилициум е Кина.

Производството нагло опадна по неодамнешното затворање на енергетски интензивни постројки, а тоа секако ќе влијае на глобалното снабдување.

Оние земји кои брзаат да ги „озеленат“ своите економии ја зголемуваат побарувачката за соларни панели, што исто така врши притисок врз цените на полисилициумот.

Цените на соларните модули се зголемија за 18% од почетокот на годината до мај, откако паднаа за 90% во претходната деценија. Причината беше токму зголемувањето на цената на клучната суровина.

Според директорот на Singapore Solar Exchange, Сакура Јамасаки, годината е невообичаена. Според неа, цените на полисилициумот може да се стабилизираат во вториот квартал на 2022 година, но во исто време рече дека ќе продолжат да растат. „Поскапувањето не е завршено“, истакнува таа.

Транспортните трошоци и поскапите стоки ќе ги зголемат трошоците за производство на соларни панели во споредба со претходните години, велат експертите.

Банката на Америка проценува дека ќе бидат потребни најмалку 150 трилиони долари нови капитални инвестиции за да се постигне јаглерод неутралност во следните 30 години, или околу 5 трилиони долари годишна инвестиција.

Генерално, транзицијата кон зелени економии ќе биде многу скапа. Американскиот претседател Џо Бајден сака 40% од електричната мрежа на САД да се потпира на соларна енергија до 2035 година.

Во иднина, или ќе треба да се изградат многу фабрики за полисилициум, или трошоците за преселба кон зелените економии ќе бидат многу, многу високи.