Фото: Pixabay
Во овие жешки денови, кога температурата е неподнослива бараме спас во клима уредите. Некои дури и не можат да го замислат престојувањето во затворена просторија без нив.
Еве што треба да знаете за овие уреди и како правилно да ги користите.
Добри страни
Екстремно топлото време може да попречи на интелектот и на физичката активност. Користењето на клима уред донекаде помага да не дојде до тоа.
Го подобрува нивото на комфор на работното место и дома.
Ја подобрува концентрацијата за работа.
Може да ги зголеми физичката и психичката активност.
Пониските температури ја намалуваат појавата и ризикот од инсекти и паразити.
Помалку се потиме, а со тоа се намалува ризикот од дехидрација.
Чист клима уред помага да се не се внесат внатре надворешните алергени како што е поленот.
Доколку клима уредот е правилно инсталиран и добро одржуван, го подобрува квалитетот на воздухот.
Лоши страни
Наглите промени на температурата и влажноста негативно влијаат на респираторниот систем.
Ја суши кожата и мукозните мембрани.
Произведува амбиентален шум што придонесува за бучава.
Циркулирањето на воздухот може да пренесе заразни заболувања на дишните патишта.
Воздушно преносливата прашина и габите можат да бидат причина за алергиска реакција.
Клима уредите се поврзуваат со хроничен ринитис, фарингитис, иритирано грло и засипнатост.
Можат да ја влошат ситуацијата доколку патите од конјуктивитис или блефаритис (воспаление на очни капаци), како и да предизвикаат проблеми на оние кои носат леќи.
Неколку совети
Климатизираните простории треба редовно да се проветруваат.
Професионалната инсталација и одржувањето се многу важни без разлика дали станува збор за индивидуални уреди или централизирани системи.
Температурата во собата треба да биде помеѓу 21 и 25 степени.
Обидете се да ја одржувате влажноста помеѓу 60% и 70%.
