Турскиот премиер Реџеп Таип Ердоган навести можност за формирање на валутна унија врз основа на лирата, националната валута, објави Вол Стрит Журнал. Според Ердоган, некои членки на Европската унија и советувале на турската влада да направат лиразона и самиот премиер е согласен со таа идеја.
Хрватските пензиски фондови држат преку 10% од акциите на словенечки Меркатор, коишто интензивно ги купуваа изминатите недели.
Хрватите се покажаа како најактивни во барањето работа во конкуренција со невработени од Србија и Босна и Херцеговина. Се јавуваат на преку 100 огласи пред да најдат работа, додека испитаниците од Србија и БиХ главно се откажуваат после 30 огласи.
Во следните седум години бројот на оние што живеат во сиромаштија во Бугарија ќе се намали за 260.000. Ова треба да се постигне преку подобрување на квалитетот на живот на ранливите групи и создавање услови за нивна комплетна реализација.
Русите се меѓу десетте најбројни туристи на Јадранот и трета најбрзо растечка економија. По влегувањето на Хрватска во Европската унија следната година, за Русите се враќаат визите, а ако тоа го поколеба секој десети Рус, во старт тоа се 20.000 гости помалку, 150.000 ноќевања и околу 20 милиони евра помалку, пишува Вечерњи лист.
На секои десет мали и средни претпријатија (МСП) во Србија, шест тврдат дека не земаат кредити од банките, а ако веќе подигнат кредит, тогаш парите ги користат за тековно работење.
Изградбата на гасоводот Јужен тек во Словенија ќе започне 2014, односно 2015 година, по добивањето на потребните дозволи. Активностите веќе се започнати и не се ограничени само на подготовка на стручните основи за вклопување на објектите на гасоводот во просторот во рамките со словенечкото законодавство
Рецесијата во Грција следната година ќе биде полоша од тоа што се очекува, се наведува во нацрт буџетот претставен пред парламентот. Земјата притисната од долгови ќе забележи поголем буџетски дефицит отколку што беше прогнозирано пред еден месец во претходниот нацрт буџет
Граѓаните на Црна Гора кои работат во странство и иселениците, во својата татковина во првата половина од оваа година префрлиле 163 милиони евра, соопшти Централната банка на Црна Гора.
Претставници на Хрватската банка за обнова и развој (ХБОР) и Светска банка потпишаа Договор за заем за дополнително финансирање во износ од 50 милиони евра за Проект - кредитна програма за финансирање на извозот (CEFIL).
Најголемата светска млечна индустрија, француски Лакталис, ја презеде Љубљанске млекарне, јавува љубљански Дневник.
Владата на Србија ја докапитализира Комерцијална банка, со што државата остана најголем акционер во таа најголема банка во земјата. Владата купи акции во вредност од 100 милиони евра, со што остана мнозински сопственик од 42%.
Конгресен Сервисен Центар на 17 октомври 2012 година отвори своја канцеларија во Сараево и со тоа својата дејност ја прошири и на босанско-херцеговскиот пазар. Свеченото отворање се одржа во престижниот деловен солитер „Аваз“, во присуство на македонскиот амбасадор во БиХ, Рами Реџепи и бројни гости, пријатели и деловни партнери од Македонија и од Босна и Херцеговина.
Словенечката влада ги намалува средствата за субвенции за извори на соларна енергија од 40 милиони евра, колку што ќе исплати оваа година, на само 10 милиони за идната година, пишува Финанце.
Државните загубари во Србија останаа без пари, но со нова шанса. За фармацевтската компанија Галеника се подготвува посебна програма за опоравување, а за националниот авиопревозник ЈАТ се формира посебен тим кој ќе смислува како да ја постави компанијата на нозе.
Меѓународните доверители од Грција ќе побараат да спроведе уште 150 нови реформи во економија која е на работ на пропаст, пишува германскиот неделник Der Spiegel.
Владата на Црна Гора одлучи да го намали бројот на работни дозволи за странци од 25.000 на 16.500 за да отвори простор за домашната работна сила.
Во рамките на фармацевтската компанија Плива во Загреб се отвора Центар за финансиски активности која ќе пружа услуги за израелската Тева група во Европа.
Европската комисија ја извести Романија дека ќе и бидат блокирани 10,4 милијарди евра од европските фондови за развој, а причина за тоа е загриженоста за корупција и измама.
Инвестирањето во енергетска обнова на зградите, изградба на современи нискоенергетски згради и примена на новите технологии би можеле да поттикнат значајни инвестиции во градежниот сектор кои се неопходни за негово опоравување, сметаат од Хрватска занаетчиска комора (ХОК).
Словенечката Томос индустрија од Копер, компанија позната по изработка на мотори, отиде во ликвидација. Околу 60 вработени ќе бидат прераспределени на други позиции во рамките на фирмата Хидриа, во која беше вклучен Томос.
Емил Тедески, претседател на управата на хрватската Атлантик група, најави дека оваа компанија во 2013 година планира нови инвестиции во Србија од околу пет милиони евра, кои ќе се однесуваат на модернизација на постоечките капацитети, но постои и можност за преземање на нови компании во Србија.
Во третиот квартал од оваа година, цените на становите во Бугарија се намалени за просечно 2,2% во споредба со истиот период лани, покажуваат податоците објавени од Националниот институт за статистика (НСИ).
Долгот на словенечкиот ланец за техника Меркур во износ од 85 милиони евра е конвертиран во акции. Конверзијата, за која преговорите траеја четири месеци и која на крајот беше за пет милиони евра пониска од планираната, ја извршија банките НЛБ, Абанка, Нова кредитна банка Марибор, Горењска банка, Хипо банка, Банка Копер, Фактор банка, Банка Цеље, ДБС, Поштна банка и компанијата Искрател.