Оваа проблематика е од особено значење, бидејќи преку поголема транспарентност на акционерските друштва и доставување на навремени и точни информации до пошироката инвеститорска јавност за финансиските перформанси, корпоративното управување, стратешкото позиционирање и други значајни случувања во компаниите се подобрува репутацијата и довербата кај инвеститорите. Воедно, квалитетно воспоставената функција за односи со инвеститори во акционерските друштва ја зголемува можноста за нивен полесен пристап до пазарот на капитал и соодветно идно развојно финансирање.
Предавач на обуката беше Иван Колар, Директор на Секторот за односи со инвеститори во хрватската компанија INA Grupa. Преку целодневна презентација, г-динот Колар придонесе за зајакнување на знаењето на учесниците од практична перспектива. Осврнувајќи се на стандардите за транспарентност во Хрватска и на развиените пазари, преку чија примена инвеститорите го следат и оценуваат работењето на котираните компании на берзите, беше нагласено дека од исклучително значење е континуирано развивање на знаењето од областа на односи со инвеститори во компаниите.
Обуката беше организирана во соработка со Академијата на Загребската Берза.