Европскиот суд за човекови права објави дека Словенија не може да ја тужи Хрватска во име на Љубљанска банка за повреда на човекови права и се прогласи за ненадлежен за тужба од скоро 430 милиони евра.
Меѓународниот суд ги прифати аргументите на Хрватска и зазема став дека Љубљанска банка не е невладина организација, туку дека е тесно поврзана со државата, па Словенија не може во нејзино име да ја тужи за повреда на човекови права загарантирани со Конвенцијата за заштита на човековите права и основни слободи.
Словенија го покрена спорот во 2016-та година поради повреда на неколку права од Конвенцијата поради начинот на кој хрватската судска и извршна власт постапиле во врска со побарувањата на Љубљанска банка кон хрватските трговски друштва.
Фото: Freepik
