Според Агенцијата за храна и ветеринарство, за околу 80% од производите рекламирани во медимите, не се точни тврдењата дека имаат поголема нутритивна вредност, повеќе калциум, железо, магнезиум, растителни влакна, калории или помалку шеќер.
Јавното сообраќајно претпријатие Скопје, по повод новогодишните празници има нов возен ред.
Овластените здруженија за давање на бесплатна правна помош, во текот на 2013 година, обезбедиле бесплатна правна помош за повеќе од 1.000 сиромашни граѓани.
Трајко Кузмановски од Куманово е првиот добитник на стан во Скопје, Димитар Миладинов од Струга беше добитник на деловниот простор, а автомобилот Пежо 206 го доби Панде Мановски од битолското село Буково.
За половина денар за еден литар од полноќ се зголемуваат малопродажните цени на Еуросупер БС-95 и Еуросупер БС-98, одлучи на последната седница Регулаторната комисија за енергетика.
Министерството за транспорт и врски соопшти дека автобуски карти за меѓуградски и меѓународен превоз од 22 февруари 2014 година ќе можат да се купуваат преку интернет.
Врз база на анализите и проекциите за економски раст за 2014 година, Сојузот на стопански комори очекува раст од над 3,5%.
Царинската управа воспостави нов компјутерски транзитен систем кој ќе овозможи поедноставна постапка со скратување на трошоци и време за претпријатијата. Новиот систем ќе почне да се употребува од 1 јануари 2014 година, а ќе биде задолжителен за сите компании од 1 март.
Фондацијата Т-Мобиле за Македонија веќе десетта година организира хуманитарен Новогодишен карван за најранливите групи на деца. Се организираат Новогодишни претстави и се делат пакетчиња на деца без родители, деца со посебни потреби, со оштетен слух и вид, деца со телесен инвалидитет и деца од социјално загрозени семејства.
Управниот одбор донесе одлука, Стопанска банка АД – Скопје, средствата кои се предвидени за корпоративни подароци да ги посвети на донација за народните кујни.
Уште шест месеци граѓаните ќе можат да поднесат барање за елаборати за легализација, а геодетските фирми нема да можат да стасаат да ги изработат, апелираше денеска директорот на Агенцијата за катастар на недвижности, Славче Трпевски.
Според податоците на Државниот завод за статистика, индексот на бројот на работниците во индустријата во ноември 2013 година, во однос на ноември 2012 година, изнесува 101.2.
Од април следната година, Агенцијата за катастар на недвижности на својата веб страна воведува нова апликација преку која секој граѓанин ќе може да ги види загадувачите во својата околина, како и степенот на загадување на воздухот во околината во која живее.
Вечерва е првото извлекување на наградната игра Фискална во рака - награда без мака. Досега на адресата на Државната лотарија на Македонија се пристигнати повеќе од 500.000 пликови со фискални сметки.
Димовски за следната година најави дека Програмата за финансирање ќе изнесува околу 140 милиони евра, од кои 30 милиони евра ќе бидат насочени за развој на руралниот туризам.
Корисникот на продавницата ќе треба да склучи договор со најмалку 15 производители на вино за снабдување со вина и на полиците треба да изложи најмногу седум различни етикети од нивната понуда.
Директорот на Државниот инспекторат за земјоделство, Румен Стаменов, информираше дека досега се откупени седум милиони килограми тутун по просечна цена од 156 денари за килограм или 17% од годинешната реколта.
Според податоците на Државниот завод за статистика, индексот на индустриското производство во ноември 2013 година, во однос на ноември 2012 година, изнесува 103.1.
Според истражувањето во кое учествувале 2.003 испитаници, повеќе од една третина сметаат дека Македонија има добри можности за започнување на сопствен бизнис, но не би започнале бидејќи се плашат од неуспех.
Зголемен проток на луѓе и стока, како и поефикaсна работа на граничните служби ќе овозможи новиот реконструиран граничен премин Блаце, кој денеска беше пуштен во употреба.
Во 2014 година ќе се отпочнат разговорите за минимална плата, а исплаќањето на К-15 нема да ги оптовари буџетите на приватните компании, истакна денеска првиот синдикалец, Живко Митревски.
Според претходните податоци на Државниот завод за статистика, во 2012 година, во рамките на структурните деловни статистики биле анализирани 53.907 деловни субјекти во кои биле вработени 334.042 лица.
Државниот завод за статистика, според своите податоци објави дека индексот на просечната месечна исплатена бруто-плата по вработен, во октомври 2013 година, во однос на октомври 2012 година, изнесува 101.1
Досега во Македонија има 11 компании кои го имаат имплементирано ХАЛАЛ стандардот, а четири компании се во процедура за воведување.