Помеѓу падот на пазарите и зголемената инфлација, 2022 година не беше лесна година за пензионерите – или за оние кои се на прагот на пензионирање. Но, според авторот на Rich Dad Poor Dad, Роберт Кијосаки, оваа генерација би можела да се соочи со друга криза.
Кијосаки ги спореди американските пензии со балон што чека да пукне, нарекувајќи ги „следниот глобален Леман“, мислејќи на колапсот на инвестициската банка Lehman Brothers во 2008 година, што беше проследено со глобална криза.
Lehman Brothers имаше имот од 691 милијарда долари кога поднесе барање за банкрот во септември 2008 година, што го означи најголемиот корпоративен банкрот во историјата на САД. И токму сега, американските државни и локални пензиски планови се соочуваат со проценет недостиг од 1,4 трилиони долари.
Значи, што треба да направат инвеститорите во услови на претстојната пензионерска криза?
„Луѓето кои поседуваат злато, сребро, биткоин ќе станат побогати кога ФЕД, Министерството за финансии, Волстрит ќе се свртат и ќе испечатат трилиони лажни долари“, вели Кијосаки.
„Штедачите на лажни пари ќе бидат најголемите губитници. Не биди губитник“, рече тој.
Каде е спасот
Кијосаки долго време е љубител на златото – тој првпат го купил благородниот метал во 1972 година.
„Не купувам злато затоа што сакам злато, купувам злато затоа што немам доверба во ФЕД“, рече тој во интервју минатата година.
Кијосаки сака и сребро. Тој неодамна на Твитер напиша: „Среброто е најдобрата инвестиција во октомври 2022 година“ и „Секој може да си дозволи 20 долари во сребро“.
Благородните метали не забележуваат силен раст на вредноста, но покажаа издржливост за време на пазарните превирања оваа година: цената на златото дури падна за околу 2% во 2022 година, додека среброто порасна за 1,2%.
Претходно оваа година тој твитна дека сака само „вистински златни или сребрени монети“, а не виртуелни ЕТФ.
Фото:Facebook
