Шведска се подготвува да откупува отпад од Бугарија, Романија и Италија, јавува агенцијата Фокус. Оваа скандинавска држава има програма за создавање на енергија од отпад, која е исклучително успешна, но од неодамна се соочува со изненадувачки проблем - недостиг на доволно отпад.
Италијанската фабрика за автомобили Фиат ја напушта Чешка и со цел да ги намали трошоците, своето претставништво од Прага го сели во Будимпешта.Будимпешта за централа е избрана поради нискиот данок, пониски цени на хотелите и кириите за становите.
Зелената енергија без емисија на јаглерод диоксид, до 2050 година би и заштедила на Европската унија три илјади милијарди евра на трошоци за гориво. Енергетската револуција до 2020 би создала половина милион нови работни места, според експертите од германскиот вселенски центар ДЛР, специјализиран за енергетика и сообраќај.
Меѓународните доверители од Грција ќе побараат да спроведе уште 150 нови реформи во економија која е на работ на пропаст, пишува германскиот неделник Der Spiegel.
Меѓународната агенција за кредитен рејтинг Standard & Poor's (S&P) го намали рејтингот на најголемата француска банка BNP Paribas и на уште две помали банки, додека негативна прогноза добија 10 други банки, меѓу кои и Societe Generale.
Извршниот директор на нафтената компанија ExxonMobil во Велика Британија, Николас Мокфорд (60) е убиен во Брисел, објави The Independent.
Европската комисија ја извести Романија дека ќе и бидат блокирани 10,4 милијарди евра од европските фондови за развој, а причина за тоа е загриженоста за корупција и измама.
Продолжува падот кај кредитирањето на компаниите во еврозоната, покажуваат најновите податоци на Европската централна банка (ЕЦБ) за кредитна активност, сугерирајќи понатамошно продлабочување на рецесијата.
Европската комисија предложи воспоставување фонд за помош на сиромашните во Европската унија кој до 2020 година би располагал со 2,5 милијарди евра. Фондот би им овозможил помош во храна на најсиромашните, како и облека и основни производи за бездомниците и сиромашните деца.
Меѓународниот монетарен фонд (ММФ) на Португалија и одобри нова транша од 1,5 милијарди евра во рамките на програмата за помош, откако официјален Лисабон успешно ја мина петтата ревизија.
Соочен со економската криза на која не и се гледа крајот, Брисел ќе одобри наплаќање на трансакции на валути, обврзници и акции во банките и финансиските институции.
Сиромаштијата минатата година била проблем за секој петти Германец, соопшти германскиот завод за статистика. Податоците покажуваат дека жените се повеќе погодени со сиромаштијата отколку мажите.
Франција финансиски ќе го поддржи огранокот на произведувачот на автомобили PSA Peugeot Citroen со пет до седум милијарди евра во банкарски гаранции. За возврат, владата од Peugeot ќе бара да го намали бројот на работни места што планира да ги укине во рамките на планираната реорганизација.
Германската компанија Siemens извести дека планира да се повлече од работењето со соларна енергија затоа што не успеале да ги остварат своите очекувања.
Произведувачот на познатото лондонско црно такси, Manganese Bronze оди во стечај, затоа што не успеа да обезбеди доволно пари од својот најголем акционер, кинеската компанија Geely, која поседува 20%.
Финската компанија Nokia, до неодамна најголемиот произведувач на мобилни телефони во светот, извести дека во третото тримесечје бележи загуба од 969 милиони евра.
Земјите на Европската Унија размислуваат во рамките на Европската централна банка ( ЕЦБ ), да формираат посебно тело кое би ги отстранило постојните правните препреки, со тоа што би се овозможило во банкарската унија да се вклучат и земјите кои се наоѓаат надвор од еврозоната.
Рејтингот на МПС се намали за две нивоа и сега е на Ба2, рејтинг кој не препорачува вложувања. Ваквиот став на Moody се оправдува со неможноста на банката да ги пласира средствата на пазарот на капитал поради моментално слабите врски со светскиот пазар на капитал.
Естонија е една од ретките земји коишто кризата едвај и да ја допре. Со висок бруто домашен производ (БДП) од 8%, Естонија на прв поглед е земја каква што само би посакале, но изгледа дека нешто не е како што треба.
На дводневниот самит на Европската Унија кој денес ќе се оддржи во Брисел, шефовите на земјите членки меѓу другото ќе расправаат и за најголемиот проблем кој ја тресе цела Европа, а тоа е дали и како ЕУ може да спречи избивање на криза
Според неофицијални информации, само во последната година 100.000 Британци ги затвориле своите сметки во една од петте најголеми банки во Велика Британија.
Швајцарија замрзна скоро една милијарда швајцарски франци, односно нешто повеќе од една милијарда долари украдени средства поврзани со диктаторите во четири земји што беа во центарот на Арапската пролет – Египет, Либија, Сирија и Тунис.
Италијански обвинители покренаа истрага против најголемиот европски дисконтен авиопревозник, ирскиот Ryanair, поради сомнение дека избегнувал да плати околу 12 милиони евра придонеси за пензиско осигурување за работниците.
Француската Банка Credit Agricole ја купи Емпорики Банка, подружница на Алфа Банка за само едно евро. Се проценува дека оваа трансакција ќе ја намали нето добивката на Credit Agricole за околу три милијарди евра.