Развојот на вештачката интелигенција може да ги загрози некои занимања, а според извештајот на Голдман Сакс од 2023 година, пазарот на трудот во САД и Европа може да се соочи со сериозно нарушување доколку вештачката интелигенција ги исполни очекувањата.
Се наведува дека вештачката интелигенција би можела да влијае на две третини од работните места или околу 300 милиони работни места. Сепак, некои работни места не се загрозени.
Во продолжение прочитајте кои се седумте професии во кои вештачката интелигенција не може да ги замени луѓето, пишува Howstuffworks.
КВ работници
Сертифицираните и вешти водоинсталатери или електричари имаат цел сет на вештини, умешност и знаење што вештачката интелигенција не може да ги замени бидејќи не може да ги замени единствените човечки вештини.
Градежништво
Во блиска иднина, голем дел од работата поврзана со дизајнот на зградите ќе биде направена со помош на софтвер за вештачка интелигенција, но кога станува збор за забивање клинци и поставување тули, на градежната индустрија и треба уште многу старомодни мускули и луѓе кои знаат како да се работи.
Така што е малку веројатно дека некоја компанија ќе отпушти столар и ќе го донесе најновиот робот кој ќе го замени. Машините ќе можат да преземат некои индивидуални улоги, што значи дека градежните работници најверојатно ќе работат рамо до рамо со машините, според извештајот објавен од McKinsey.
Подготовка на храна
Во извештајот објавен од Голдман Сакс се наведува дека најмалку половина од задачите кои вклучуваат готвење, подготовка и сервирање храна не можат да ги извршуваат вештачката интелигенција и роботите.
Сепак, тоа не значи дека автоматизацијата нема да навлезе во прехранбената индустрија. Синџирот за брза храна White Castle веќе користи роботи на некои локации за да превртуваат хамбургери и да пржат помфрит.
Психологија и советување
Иако веќе има голем број апликации каде вештачката интелигенција врши некаков вид советување, се смета дека таквите апликации во иднина ќе можат да понудат само основно советување за ментално здравје или ќе го водат корисникот низ одредени вежби како когнитивна бихејвиорална терапија, но нема да можат да ги заменат психолозите и психотерапевтите.
Другите работни места во здравството кои бараат значителна човечка интеракција, како што се лекарите и медицинските сестри, веројатно нема да бидат заменети со вештачка интелигенција.
Наставници
Вештачката интелигенција исто така го трансформира образованието на различни начини, но и таму има ограничувања, особено кога станува збор за малите деца. На ниво на предучилишно образование и основно училиште, постои силна потреба од човечка интеракција.
Професионални спортисти и тренери
Физичката и менталната сила на професионалните спортисти ќе биде речиси невозможно да се заменат со машина. Би било бесмислено да се гледаат роботи како играат фудбал. Иако вештачката интелигенција веќе се користи во спортот – прецизно следење на движењата и дава препораки за подобрување на резултатите и намалување на повредите – таа нема да може да ги замени спортистите и тренерите.
Возачи
Иако се чини дека сме на дофат на автомобили без возачи, односно возила кои ќе бидат контролирани од вештачка интелигенција, се чини дека на тоа ќе треба да почекаме.
Непредвидливоста на возењето во реалниот свет и одговорноста што ја става на компаниите за автомобили без возач се фактори кои ќе нè спречат некое време да гледаме возила управувани со вештачка интелигенција.
Kреативни мислители
Претприемачи, пронаоѓачи, автори и актери – тие типови на работни места несомнено ќе користат генеративна вештачка интелигенција како алатка, но ChatGPT по дефиниција не може „да размислува надвор од рамката“.
Така, додека вештачката интелигенција може да генерира извештаи за деловни приходи или резултати од изборите, за да се анализира што значи сето тоа или да се даде гледна точка е потребен човек-писател – барем засега.
