Министерството за транспорт и врски соопшти дека македонско-бугарската мешовита комисија за меѓународен патен сообраќај, потпиша протокол со кој е договорено годинава да се размени дополнителен контингент од 50 транспортни дозволи за и од трети земји.
Причината за огромната кршливост на оризовото зрно што годинава ги затече производителите, се уште не е утврдена. Како што се вели, забележано е преполување на приносот и никакви мерки не би ја надоместиле загубата.
Според Државниот завод за статистика цените на мало и трошоците на живот во ноември се на исто ниво како во октомври. Податоците покажуваат дека, сепак кај одредени групи на производи и услуги се забележани одделни движења на цените.
Во последните четири години, по основ на странски инвестиции во Република Македонија се влезени милијарда и 550 милиони евра. Износот е двапати повеќе од вкупниот прилив по тој основ во периодот од 1990 година до 2005 година, не сметајќи ги приватизациите на државните монополи.
Функционирањето и мисијата на Советот на странски инвеститори при Стопанската комора на Македонија, денес ќе биде промовирано од страна на претседателството на Советот.
Македонија го доби Првиот програмски заем за конкурентни развојни политики во износ од 50 милиони долари од Светска Банка. Овој заем е првиот од двете програмски активности кои ќе ги поддржат реформите за зајакнување на конкуретноста на македонската економија.
Агенцијата за финансиска поддршка во земјоделството и руралниот развој денес повика на користење финансиски средства од Програмата за финансиска поддршка на руралниот развој за 2012 година.
Општина Крива Паланка доби заем од Министерството за финансии во вредност од 51,6 милиони денари, за изградба и реконструкција на улици во градот, како и за набавка на нова опрема за јавните услуги.
Индустриското производство во периодот јануари - октомври 2012 година, во однос на истиот период лани, бележи пад од 6,7%.
Според податоците со кои излезе Држaвниот завод за статистика индексот на просечната месечна исплатена нето-плата по вработен, во септември 2012 година во Македонија изнесувала 20.799 денари.
Вкупно девет компании од земјоделскиот сектор искористиле вкупно 2,8 милиони евра од кредитот што го пласира Македонската банка за поддршка на развојот. Во фаза на одобрување се нови четири барања во вкупен износ од 800.000 евра, информираат од банката.
Македонските компании очекуваат поддршка за 43 нови проекти, од кредитната линија од 100 милиони евра на Европската инвестициска банка.
Македонско-руската стопанска комора и Стопанската комора на Македонија организираат Македонско - руски бизнис форум.
Во Франција и Германија економскиот раст во третиот квартал годинава беше 0,2%, соопштија статистичките агенции на двете држави.
Хрватскиот вицепремиер и министерот за економија, Радимир Чачиќ поднесе оставка, откако унгарскиот суд го осуди на 22 месеци затвор поради сообраќајната несреќа што ја предизвика во оваа земја во јануари 2010 година, во која смртно настрадаа две лица.
Со последните усвоени измени на Законот за персонален данок, Владата на Република Македонија го продолжи рокот за неоданочување на приходите на камата на штедните влогови.
Годинава во месец септември во Македонија е регистрирана бројка од 60.428 туристи. Бројот на ноќевања пак за истиот месец изнесува 166.343.
Државниот завод за статистика излезе со податоци за вредноста на вкупниот откуп и продажбата на земјоделски производи во септември 2012 година.
Грчкиот парламент го усвои буџетот за 2013 година, кој предвидува нови намалувања на платите и на пензиите, зголемување на даноците и мерки за полесно отпуштање на работниците, и покрај силното противење на јавноста.
Буџетскиот дефицит на Франција на крајот на септември е намален на 85 милијарди евра, од ланските 92,7 милијарди евра, соопшти француското министерство за буџет.
Грчката влада ги усвои пакет мерките за штедење во висина од 13,5 милијарди евра. Овие мерки на штедење се однесуваат на зголемување на даноци, ограничување на потрошувачката и структурни реформи.
Барак Обама го победи Мит Ромни во трката за претседател на САД и доби втор мандат. Границата од 270 гласови потребни за победа на изборите, Обама ја премина со победата во Охајо.
Француската влада најави дека наскоро ќе го разгледа предлогот за ставање на празните станови на располагање на бездомниците.
Претставници на Хрватската банка за обнова и развој (ХБОР) и Светска банка потпишаа Договор за заем за дополнително финансирање во износ од 50 милиони евра за Проект - кредитна програма за финансирање на извозот (CEFIL).