Според оценката на мисијата на Меѓународниот монетарен фонд Македонија е земја со стабилна економија и стабилни макроекономски перформанси во услови на тешко окружение. Предвидениот раст од 2%, иако има ризици е остварлив.
Според податоците на Државниот завод за статистика, индексот на прометот во индустријата во февруари во Македонија се зголемил за 5,5% во однос на истиот месец лани.
Стапката на невработеност во Грција во јануари годинава достигна 27,2%, објави агенцијата за статистика на Европската унија, Евростат. Во декември невработеноста била на ниво од 26,4%, па така во јануари е достигнат нов историски максимум на бројот невработени.
Од јавните претпријатија поради програмите за реструктуирање, до средината на следната година ќе си заминат 10.000 луѓе. Предводник во отпуштање е Хрватски железници (ХЖ), потоа следуваат Хрватски автопатишта (ХАЦ), Кроација ерлајнс, Хрватска пошта...
Српската Агенција за странски инвестиции и промоција на извозот (СИЕПА), од 2006 година до сега одобрила 252 милиони евра за субвенции, за 222 проекти, чија вкупна вредност е 1,4 милијарди евра.
Кинеските туристи минатата година потрошиле 102 милијарди долари, со што Кина стана пазар број еден за светскиот туризам во смисол на потрошувачка, надминувајќи ги другите два пазари по потрошувачка, Германија и САД, чии туристи во светот потрошиле околу 84 милијарди долари.
Во Хрватска на почетокот на 2013 година продолжува низата негативни макроекономски показатели, од слабеење на потрошувачката до пад на извозот и индустриското производство, па рецесијата би можела да продолжи петта година по ред.
Од јануари до октомври годинава стоковната размена со странство изнесува 8.602.599.000 долари при што вредноста на увозот е 5.310.721.000 долари, а извозот 3.291.878.000 долари.
Според податоците на Државниот завод за статистика, трошоците на живот во март годинава во однос на претходниот месец бележат пораст од 0,1%, а во однос на март минатата година од 3,1%.
По либерализацијата на пазарот кондиторската индустрија го зголемила производството за 250%, агресивно настапува на надворешниот пазар, а и од домашниот ја истисна странската конкуренција.
Со влегувањето во ЕУ, на хрватските произведувачи ќе им се отвори нов пазар со 500 милиони потрошувачи. Но, ќе треба да поминат години, многу маркетинг и пари за на овој пазар хрватските производи да станат познати и прифатени.
Листата на хрватски Форбс за оваа година се состои од 50 претприемачи кои заедно располагаат со богатство од 1,69 милијарди евра и во однос на лани, кога имаа 1,52 милијарди евра, побогати се за 170 милиони евра.
Кризата во Кипар, по се изгледа е стара вест, новата земја за која треба да се грижиме е Словенија. Ова е заклучокот на весникот Вашингтон пост за новата економска опасност која се наоѓа меѓу Италија, Австрија, Унгарија и Хрватска.
Макпрогрес доо од Виница во месец јануари оваа година забележа пораст на извозот за 32% во однос на 2012, а 63% во однос на 2011 година.
Економската криза во Европа го сврте подземјето кон нови облици на илегални актовности, од фалсификување храна и лекови до забранета трговија со отпад и кражби на енергетскиот пазар, објави Европол.
Според податоците на Државниот завод за статистика во четвртото тримесечје од 2012 година активното население во Република Македонија изнесувало 948.125 лица од кои 657.849 се вработени, а 290.276 невработени.
Српскиот министер за земјоделство Горан Кнежевиќ призна дел од одговорноста за аферата со афлатоксинот во млекото. Потпретседателот на владата Расим Љајиќ соопшти дека штетата е проценета меѓу 100 и 125 милиони евра.
Според анкетата за потрошувачката во домаќинствата, граѓаните на Хрватска, поради штедење или други причини, во просек буквално помалку јадат. И Бугарите трошат само за најпотребното и се воздржуваат од купување облека и бела техника.
Со 6,7 бодови Македонија се најде на трето место на листата на најгостопримливи земји во светот за туристи, заедно со Мароко, Австрија и Сенегал.
Стратегијата на Зара вклучува помалку резерви облека и често менување на колекциите. Наместо да исфрлаат по една колекција во сезоната како другите брендови, Зара се појавува со нов дизајн два пати неделно.
Во најновиот извештај на Светскиот економски форум за конкуретноста во туризмот и патувањата Македонија е рангирана на 75 место, односно едно место погоре од минатата година.
Во Црна Гора, според податоците на Централната банка, на крајот на февруари се блокирани сметките на 12.390 претпријатија и бизнисмени. Вкупниот износ на долгот врз основа на кој се блокирани сметките е околу 414,27 милиони евра.
Британскиот магазин Times Higher Education ја објави годишната класификација на најдобрите универзитети во светот за 2013 година според репутацијата што ја уживаат, 2013 World Reputation Rankings.
Жетвата во Виетнам, најголемиот произведувач на кафе од видот робуста, ќе потфрли оваа сезона поради големата суша. Лоши вести доаѓаат и од Бразил, каде поради лошото време се очекува пад на производството на кафето арабика.