Од крајот на месец мај Министерството за економија во соработка со професори од универзитетите и менаџери од успешни компании ќе почнат да спроведуваат обуки за подобрување на квалитетот на работната сила кај младите преку унапредување на нивните практични знаења.
NLB Тутунска банка организира наградна игра за сите корисници на MasterCard картичките, Maestro, MasterCard Standard, MasterCard Gold и MasterCard Light. Наградната игра започна вчера и ќе трае до 10 јуни 2013 година.
Повеќе од една третина од компаниите годинава доставија свои апликации за првпат, што говори дека наградата ја постигнува целта - да се прошири кругот на деловни субјекти што настојуваат да работат одговорно кон животната средина и социјалното опкружување.
Од ноќеска на полноќ малопродажната цена на бензините е намалена за 4,5 денари за литар, а на дизелот и екстралесното за 3,5 денари. Новата цена на литар Еуросупер БС 95 изнесува 78 денари, а литар Еуросупер БС 98 ќе се продава по цена од 79,5 денари.
Преку мотивациски обуки кои од денес почнуваат да се спроведуваат во Агенцијата за вработување на Република Македонија се планира да се овозможи полесно вработување на долгорочно невработените лица на возраст од 40 до 49 години.
Директорот на Царинската управа на Република Македонија Ванчо Каргов и директорот на А.Д. МЕПСО Синиша Спасов, денес потпишаа Меморандум за меѓусебно разбирање и соработка.
Еден од главните проблеми на македонскиот аграр и понатаму е фрагментацијата на земјоделското земјиште. Ситните парцели ги намалуваат продуктивноста и ефикасноста, а ги зголемуваат трошоците што се одразува врз крајните приходи на производителите, како и на конкурентноста.
Од денес, па се до среда (24 април), студентите ќе имаат можност да им пристапат на компаниите учеснички кои ќе се презентираат на штандовите поставени во просториите на техничките факултети во Карпош II.
Вкупно 14 тимови со сопствен супервајзор од Макпрогрес, Колид С, Пекабеско, Рептил, Каприлат, Атлантик група, Даути Комерц, Унивел, Нимекс, Офис Плус, Алфи Би Компани, Жито Маркети, Лакшми и Крашкомерц ќе се борат за титулата Најдобри мерчендајзери.
Со последните активности на Министерството за труд и социјална политика и Управата за јавни приходи, бројот на пријавени работници со скратено работно време значително опадна, изјавија првите луѓе на овие институции, Спиро Ристовски и Горан Трајковски.
Петте партнер проекти се: T-Care (виртуелна средина базирана на вештачка интелигенција), МаркетКонект (веб платформа за онлајн трговија), Smart Wine (M2M cloud решение за интелигентно следење на земјоделските параметри), CollaboDox (систем за соработка меѓу различни платформи) и Cloud Message (систем за мобилно споделување пораки и рекламирање).
Уште една иновација на македонскиот пазар од Пивара АД Скопје - Новото модерно пакување на Скопско Radler сега има ring pull капаче за лесно отворање.
Владата ќе поддржи нови 1.800 вработувања на млади лица од социјално ранливи семејства. Огласите ќе почнат да се објавуваат од наредниот месец на секои два месеца, а вработувањата ќе се реализираат кај работодавачи кои ќе поднесат барање до Агенцијата за вработување.
Досега во Македонска берза се пристигнати неколку барања за задолжителната котација. Крајниот рок за доставување на барањата на компаниите е 30 април, а се очекува најголемиот дел да пристигнат во последните денови.
Од Винарската визба Тиквеш вчера соопштија дека грозјето од бербата 2012 година е исплатено, а меѓу откупените сорти доминирале сортите вранец, смедеревка, шардоне, ризлинг, мерло, каберне совињон.
Владата ја усвои Информацијата за продолжување на рокот по Јавниот повик за продажба на акциите на Република Македонија во друштвото 11 Октомври Еурокомпозит АД, Прилеп.
На само 700 метри од центарот на Тетово, на една од најзначајните и најфреквентните локации, помеѓу два главни булевари, привршува изградбата на современиот повеќенаменски комплекс РЕМ.
Претставници на Дирекцијата на Технолошко индустриските развојни зони ги претставија можностите за инвестирање во Македонија на Светскиот конгрес за автомобилска индустрија САЕ 2013, кој се одржуваше во Детроит, САД, од 16 април до денес
Операторот Оne во соработка со Советот за радиодифузија, а во рамките на проектот - едукација на населението за процесот на дигитализација, започна караван кој има за цел да ги посети поголемите македонски градови и да го информира и едуцира населението за претстојниот процес на дигитализација.
Комисијата за хартии од вредност на Р. Македонија соопшти дека Градежен институт Македонија АД Скопје стана доминантен акционер во фабриката Карпош АД Скопје, а брокерската куќа Иново Брокер АД Скопје доби дозвола да дејствува и како покровител при котација.
Од почетокот на годинава до денес во ХЕЦ Шпилје се произведени 118 милиони киловат часови електрична енергија, односно 47% од годишниот план на производство.
Македонско - Израелскиот бизнис клуб денес го организира вториот по ред Меѓународен бизнис форум на кој главна тема ќе биде Балканот-Алтенативен пар од Израел до Европа.
Охридска банка манифестираше солидна отпорност во 2012 во предизвикувачко пазарно опкружување и објави нето добивка од 128 милиони денари, што е 3,5 пати повисока од резултатот во 2011 година.
Отсега граѓаните ќе можат само преку еден шалтер да добиваат документи за кои се води службена евиденција во одредена институција.